dikhai dete hain dhund mein jaise sae koi

dikhā.ī dete haiñ dhuñd meñ jaise saa.e koī

magar bulāne se vaqt lauTe na aa.e koī

mire mohalle kā āsmāñ suunā ho gayā hai

bulandiyoñ pe ab aa ke peche laḌā.e koī

vo zard patte jo peḌ se TuuT kar gire the

kahāñ ga.e bahte pāniyoñ meñ bulā.e koī

za.iif bargad ke haath meñ ra.asha aa gayā hai

jaTā.eñ āñkhoñ pe gir rahī haiñ uThā.e koī

mazār pe khol kar garebāñ duā.eñ māñgeñ

jo aa.e ab ke to lauT kar phir na jaa.e koī

dikhai dete hain dhund mein jaise sae koi

magar bulane se waqt lauTe na aae koi

mere mohalle ka aasman suna ho gaya hai

bulandiyon pe ab aa ke peche laDae koi

wo zard patte jo peD se TuT kar gire the

kahan gae bahte paniyon mein bulae koi

zaif bargad ke hath mein rasha aa gaya hai

jaTaen aankhon pe gir rahi hain uThae koi

mazar pe khol kar gareban duaen mangen

jo aae ab ke to lauT kar phir na jae koi