dikhlae KHuda us sitam-ijad ki surat

dikhlā.e ḳhudā us sitam-ījād kī sūrat

istāda haiñ ham baaġh meñ shamshād kī sūrat

yaad aatī hai bulbul pe jo bedād kī sūrat

ro detā huuñ maiñ dekh ke sayyād kī sūrat

āzād tire ai gul-e-tar bāġh-e-jahāñ meñ

be-jāh-o-hasham shaad haiñ shamshād kī sūrat

jo gesū-e-jānāñ meñ phañsā phir na chhuTā vo

haiñ qaid meñ phir ḳhuub hai mī.ād kī sūrat

khīñcheñge mire ā.īna-ruḳhsār kī tasvīr

dekhe to koī mānī-o-bahzād kī sūrat

gaalī ke sivā haath bhī chaltā hai ab un kā

har roz na.ī hotī hai bedād kī sūrat

kis tarah 'amānat' na rahūñ ġham se maiñ dil-gīr

āñkhoñ meñ phirā kartī hai ustād kī sūrat

dikhlae KHuda us sitam-ijad ki surat

istada hain hum bagh mein shamshad ki surat

yaad aati hai bulbul pe jo bedad ki surat

ro deta hun main dekh ke sayyaad ki surat

aazad tere ai gul-e-tar bagh-e-jahan mein

be-jah-o-hasham shad hain shamshad ki surat

jo gesu-e-jaanan mein phansa phir na chhuTa wo

hain qaid mein phir KHub hai miad ki surat

khinchenge mere aaina-ruKHsar ki taswir

dekhe to koi mani-o-bahzad ki surat

gali ke siwa hath bhi chalta hai ab un ka

har roz nai hoti hai bedad ki surat

kis tarah 'amanat' na rahun gham se main dil-gir

aankhon mein phira karti hai ustad ki surat