dil aankhon se aashiq bachae hue hain

dil āñkhoñ se āshiq bachā.e hue haiñ

hiran ko vo chītā banā.e hue haiñ

nahīñ likhte haiñ ḳhat jo ham ko vo qāsid

kisī ke sikhā.e paḌhāye hue haiñ

na ḳhanjar uThegā na talvār un se

vo baazū mire āzmā.e hue haiñ

agar un ko puujā to kyā kufr hogā

ki but bhī ḳhudā ke banā.e hue haiñ

koī bāñdho na bāñdhe ab kuchh na hogā

ki ham rañg apnā jamā.e hue haiñ

hazaj meñ bhī ash.ār ai 'nādir' ab paḌh

ki bazm-e-suḳhan meñ sab aa.e hue haiñ

dil aankhon se aashiq bachae hue hain

hiran ko wo chita banae hue hain

nahin likhte hain KHat jo hum ko wo qasid

kisi ke sikhae paDhaye hue hain

na KHanjar uThega na talwar un se

wo bazu mere aazmae hue hain

agar un ko puja to kya kufr hoga

ki but bhi KHuda ke banae hue hain

koi bandho na bandhe ab kuchh na hoga

ki hum rang apna jamae hue hain

hazaj mein bhi ashaar ai 'nadir' ab paDh

ki bazm-e-suKHan mein sab aae hue hain