dil-ba-dil aaina hai dair o haram

dil-ba-dil ā.īna hai dair o haram

haq jo pūchho ek dar hai do taraf

ḳhvāh ka.aba ḳhvāh but-ḳhāna ko jā

dasht-e-dil kā rahguzar hai do taraf

kufr o īmāñ donoñ jānib kī sune

is liye gosh-e-bashar hai do taraf

raḳhna-andāzoñ kī kab chhuptī hai aañkh

chashm-e-rauzan kī nazar hai do taraf

baaġh ho yā dasht ho qismat 'nasīm'

coach kī apne ḳhabar hai do taraf

dil-ba-dil aaina hai dair o haram

haq jo puchho ek dar hai do taraf

KHwah kaba KHwah but-KHana ko ja

dasht-e-dil ka rahguzar hai do taraf

kufr o iman donon jaanib ki sune

is liye gosh-e-bashar hai do taraf

raKHna-andazon ki kab chhupti hai aankh

chashm-e-rauzan ki nazar hai do taraf

bagh ho ya dasht ho qismat 'nasim'

coach ki apne KHabar hai do taraf