dil be-niyaz-e-kawish-e-dauran hai aaj kal

dil be-niyāz-e-kāvish-e-daurāñ hai aaj kal

dil se sivā vo dil kā nigahbāñ hai aaj kal

mere nafas nafas pe ye ehsāñ hai aaj kal

us kī taraf se pursish-e-pinhāñ hai aaj kal

rag rag meñ jaise koī ḳhirāmāñ hai aaj kal

dard-e-firāq sar-ba-garebāñ hai aaj kal

ik ik nazar hai dāvat-e-nazzāra-e-jamāl

manzar har ek sūrat-e-jānāñ hai aaj kal

ye mo.ajizāt-e-jazb-e-mohabbat to dekhnā

shām-e-firāq sub.h-e-daraḳhshāñ hai aaj kal

barpā hai chashm-e-nāz meñ ik hashr-e-iltifāt

sach-much jafā pe koī pashemāñ hai aaj kal

dil mutma.in hai 'rāz' to aalam hasīn hai

sahrā harīf-e-rang-e-gulistāñ hai aaj kal

dil be-niyaz-e-kawish-e-dauran hai aaj kal

dil se siwa wo dil ka nigahban hai aaj kal

mere nafas nafas pe ye ehsan hai aaj kal

us ki taraf se pursish-e-pinhan hai aaj kal

rag rag mein jaise koi KHiraman hai aaj kal

dard-e-firaq sar-ba-gareban hai aaj kal

ek ek nazar hai dawat-e-nazzara-e-jamal

manzar har ek surat-e-jaanan hai aaj kal

ye moajizat-e-jazb-e-mohabbat to dekhna

sham-e-firaq subh-e-daraKHshan hai aaj kal

barpa hai chashm-e-naz mein ek hashr-e-iltifat

sach-much jafa pe koi pasheman hai aaj kal

dil mutmain hai 'raaz' to aalam hasin hai

sahra harif-e-rang-e-gulistan hai aaj kal