dil chaha kare manzar-e-shadab mein rahna

dil chāhā kare manzar-e-shādāb meñ rahnā

ai aañkh sadā chāñd ke hī ḳhvāb meñ rahnā

ḳhush-rang gulāboñ se sajānā sadā mahfil

aur shām-o-sahar jalva-e-mahtāb meñ rahnā

shāyad kabhī dekhā hai tumheñ us meñ nahāte

chāhā hai kañval ne usī tālāb meñ rahnā

ai zindagī ye qahr bhī terā na ho mujh par

har roz thakan kā mire a.asāb meñ rahnā

tum bhī kisī gul-ruḳh pe kabhī jaan luTāte

qismat meñ agar hotā jo punjab meñ rahnā

tum jhiil sī āñkhoñ meñ mujhe apnī basā lo

dushvār huā ālam-e-asbāb meñ rahnā

tū ne mujhe ai zindagī itne diye chakkar

tab aayā mujhe halqa-e-girdāb meñ rahnā

dil chaha kare manzar-e-shadab mein rahna

ai aankh sada chand ke hi KHwab mein rahna

KHush-rang gulabon se sajaana sada mahfil

aur sham-o-sahar jalwa-e-mahtab mein rahna

shayad kabhi dekha hai tumhein us mein nahate

chaha hai kanwal ne usi talab mein rahna

ai zindagi ye qahr bhi tera na ho mujh par

har roz thakan ka mere aasab mein rahna

tum bhi kisi gul-ruKH pe kabhi jaan luTate

qismat mein agar hota jo punjab mein rahna

tum jhil si aankhon mein mujhe apni basa lo

dushwar hua aalam-e-asbab mein rahna

tu ne mujhe ai zindagi itne diye chakkar

tab aaya mujhe halqa-e-girdab mein rahna