dil-e-be-iKHtiyar ki KHushbu

dil-e-be-iḳhtiyār kī ḳhushbū

us par is intizār kī ḳhushbū

is phaTe āsmāñ kī baa.is hai

ham se sīna-figār kī ḳhushbū

itnā be-sabr chaak siinā hai

sūñgh letā hai taar kī ḳhushbū

maḳhmalī pairahan se aatī hai

dāman-e-tār-tār kī ḳhushbū

kab tamām-umr saath rahtī hai

zo.am-e-nā-pā.edār kī ḳhushbū

bū-e-manzil meñ ghul hī jā.egī

ye mire pā-e-ḳhār kī ḳhushbū

kho ga.ī daur-e-hijr meñ 'nāyāb'

mere lail-o-nahār kī ḳhushbū

dil-e-be-iKHtiyar ki KHushbu

us par is intizar ki KHushbu

is phaTe aasman ki bais hai

hum se sina-figar ki KHushbu

itna be-sabr chaak sina hai

sungh leta hai tar ki KHushbu

maKHmali pairahan se aati hai

daman-e-tar-tar ki KHushbu

kab tamam-umr sath rahti hai

zoam-e-na-paedar ki KHushbu

bu-e-manzil mein ghul hi jaegi

ye mere pa-e-KHar ki KHushbu

kho gai daur-e-hijr mein 'nayab'

mere lail-o-nahaar ki KHushbu