dil-e-nadan koi mahshar na uThana is waqt
dil-e-nādāñ koī mahshar na uThānā is vaqt
aa rahā hai mirī bātoñ meñ zamānā is vaqt
karb-e-tanhā.ī kī tāvīl to mushkil hai bahut
kaise chup-chāp huā aap kā aanā is vaqt
rasm-e-tajdīd-e-marāsim bhī zarūrī hai magar
yaad aayā hai mujhe vaqt purānā is vaqt
ye ghaḌī koī farāmosh nahīñ kar saktā
merī āñkhoñ meñ hai ik ḳhvāb suhānā is vaqt
aa rahā hai koī phir dām-e-nazar meñ 'ja.afar'
aise manzar se nigāheñ na haTānā is vaqt
dil-e-nadan koi mahshar na uThana is waqt
aa raha hai meri baaton mein zamana is waqt
karb-e-tanhai ki tawil to mushkil hai bahut
kaise chup-chap hua aap ka aana is waqt
rasm-e-tajdid-e-marasim bhi zaruri hai magar
yaad aaya hai mujhe waqt purana is waqt
ye ghaDi koi faramosh nahin kar sakta
meri aankhon mein hai ek KHwab suhana is waqt
aa raha hai koi phir dam-e-nazar mein 'jafar'
aise manzar se nigahen na haTana is waqt
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
