dil-e-pur-shauq ko pahlu mein dabae rakkha

dil-e-pur-shauq ko pahlū meñ dabā.e rakkhā

tujh se bhī ham ne tirā pyaar chhupā.e rakkhā

chhoḌ is baat ko ai dost ki tujh se pahle

ham ne kis kis ko ḳhayāloñ meñ basā.e rakkhā

ġhair mumkin thī zamāne ke ġhamoñ se fursat

phir bhī ham ne tirā ġham dil meñ basā.e rakkhā

phuul ko phuul na kahte so use kyā kahte

kyā huā ġhair ne collar pe sajā.e rakkhā

jaane kis haal meñ haiñ kaun se shahroñ meñ haiñ vo

zindagī apnī jinheñ ham ne banā.e rakkhā

haa.e kyā log the vo log parī-chehra log

ham ne jin ke liye duniyā ko bhulā.e rakkhā

ab mileñ bhī to na pahchān sakeñ ham un ko

jin ko ik umr ḳhayāloñ meñ basā.e rakkhā

dil-e-pur-shauq ko pahlu mein dabae rakkha

tujh se bhi hum ne tera pyar chhupae rakkha

chhoD is baat ko ai dost ki tujh se pahle

hum ne kis kis ko KHayalon mein basae rakkha

ghair mumkin thi zamane ke ghamon se fursat

phir bhi hum ne tera gham dil mein basae rakkha

phul ko phul na kahte so use kya kahte

kya hua ghair ne collar pe sajae rakkha

jaane kis haal mein hain kaun se shahron mein hain wo

zindagi apni jinhen hum ne banae rakkha

hae kya log the wo log pari-chehra log

hum ne jin ke liye duniya ko bhulae rakkha

ab milen bhi to na pahchan saken hum un ko

jin ko ek umr KHayalon mein basae rakkha