dil-e-wahshat-shiar ki baaten

dil-e-vahshat-shi.ār kī bāteñ

ab se anjām-e-kār kī bāteñ

vo khulī chāñdnī vo sard havā

vo mohabbat vo pyaar kī bāteñ

merī jānib nigāh-e-lutf-asar

jazb-e-kam-e.atibār kī bāteñ

kitnī mā'sūm kis qadar mā'sūm

husn-e-begāna-vār kī bāteñ

be-qarārī hī vaj.h-e-taskīñ ho

ek be-iḳhtiyār kī bāteñ

har tabāhī ko marhabā kahiye

zabt-e-nā-ḳhush-gavār kī bāteñ

ai 'sahar' pastī-e-taḳhayyul hai

zulf-o-gesū-e-yār kī bāteñ

dil-e-wahshat-shiar ki baaten

ab se anjam-e-kar ki baaten

wo khuli chandni wo sard hawa

wo mohabbat wo pyar ki baaten

meri jaanib nigah-e-lutf-asar

jazb-e-kam-eatibar ki baaten

kitni ma'sum kis qadar ma'sum

husn-e-begana-war ki baaten

be-qarari hi wajh-e-taskin ho

ek be-iKHtiyar ki baaten

har tabahi ko marhaba kahiye

zabt-e-na-KHush-gawar ki baaten

ai 'sahar' pasti-e-taKHayyul hai

zulf-o-gesu-e-yar ki baaten