dil hamara gauhar-e-ghaltan-e-bahr-e-ishq hai

dil hamārā gauhar-e-ġhaltān-e-bahr-e-ishq hai

dam hamārā shorish-e-tūfān-e-bahr-e-ishq hai

Duub jaatā hai dil us kī mauj-e-betābi kuuñ dekh

be-tarah ai bul-havas unvān-e-bahr-e-ishq hai

ashk ne girdāb bāñdhā hai hamāre ās-pās

kyūñki niklā jaa.e ye zindān-e-bahr-e-ishq hai

dil Dūbānā ishq ke dariyā kā haigā ibtidā

ġharq karnā jaan ko pāyān-e-bahr-e-ishq hai

siipī āñkheñ ashk motī dil hai marjāñ machhlī aah

ham haiñ 'ājiz' kyā balā sāmān-e-bahr-e-ishq hai

dil hamara gauhar-e-ghaltan-e-bahr-e-ishq hai

dam hamara shorish-e-tufan-e-bahr-e-ishq hai

Dub jata hai dil us ki mauj-e-betabi kun dekh

be-tarah ai bul-hawas unwan-e-bahr-e-ishq hai

ashk ne girdab bandha hai hamare aas-pas

kyunki nikla jae ye zindan-e-bahr-e-ishq hai

dil Dubana ishq ke dariya ka haiga ibtida

gharq karna jaan ko payan-e-bahr-e-ishq hai

sipi aankhen ashk moti dil hai marjaan machhli aah

hum hain 'ajiz' kya bala saman-e-bahr-e-ishq hai