dil hamara ho gaya viran sahra ki tarah

dil hamārā ho gayā vīrān sahrā kī tarah

mar gayā pyāsā yahāñ har ḳhvāb chiḌiyā kī tarah

is kā apnī hī ravānī par nahīñ hai iḳhtiyār

zindagī shiv kī jatāoñ meñ hai gañgā kī tarah

har muqadma de rahā hai jism par koḌe hazār

maiñ adālat meñ rakhā huuñ paak giitā kī tarah

yā to koī chāhne vaalā yahāñ merā na ho

aur koī ho to ho rādhā yā miirā kī tarah

zindagī merī ab us kī qabr meñ mahfūz hai

vo jo mere dil meñ rahtā hai tamannā kī tarah

ek din mumkin hai maiñ islām kā chehra banūñ

darmiyāñ logoñ ke huuñ filhāl charchā kī tarah

daaġh haiñ jān-o-jigar meñ dil banā hai aag se

'mīr' huuñ par haiñ mire ash.ār 'saudā' kī tarah

dil hamara ho gaya viran sahra ki tarah

mar gaya pyasa yahan har KHwab chiDiya ki tarah

is ka apni hi rawani par nahin hai iKHtiyar

zindagi shiw ki jataon mein hai ganga ki tarah

har muqadma de raha hai jism par koDe hazar

main adalat mein rakha hun pak gita ki tarah

ya to koi chahne wala yahan mera na ho

aur koi ho to ho radha ya mera ki tarah

zindagi meri ab us ki qabr mein mahfuz hai

wo jo mere dil mein rahta hai tamanna ki tarah

ek din mumkin hai main islam ka chehra banun

darmiyan logon ke hun filhaal charcha ki tarah

dagh hain jaan-o-jigar mein dil bana hai aag se

'mir' hun par hain mere ashaar 'sauda' ki tarah