dil hi dil mein aarzu jis ki kiya karte the hum

dil hī dil meñ aarzū jis kī kiyā karte the ham

mashvare bhī 'ishq ke us ko diyā karte the ham

jaane kitne saal guzre jaane kitne din ga.e

ek aisā daur bhī thā jab jiyā karte the ham

ab chhupā.e phir rahe haiñ ham jo apne zaḳhm-e-dil

un piyāloñ se kabhī khul kar piyā karte the ham

ham ko har muḳhlis davā bhī lagtī hai ḳhanjar sī ab

ek zālim kī balā.eñ sar liyā karte the ham

raushnī ke darmiyān ik tīrgī se dil milā

phir banāne tīrgī ḳhud hī ziyā karte the ham

us ke jaane kā sabab sochā to uljhe ḳhud se hī

aap hī apnā garebāñ phir siyā karte the ham

dil hi dil mein aarzu jis ki kiya karte the hum

mashware bhi 'ishq ke us ko diya karte the hum

jaane kitne sal guzre jaane kitne din gae

ek aisa daur bhi tha jab jiya karte the hum

ab chhupae phir rahe hain hum jo apne zaKHm-e-dil

un piyalon se kabhi khul kar piya karte the hum

hum ko har muKHlis dawa bhi lagti hai KHanjar si ab

ek zalim ki balaen sar liya karte the hum

raushni ke darmiyan ek tirgi se dil mila

phir banane tirgi KHud hi ziya karte the hum

us ke jaane ka sabab socha to uljhe KHud se hi

aap hi apna gareban phir siya karte the hum