dil ishq-e-KHush-qadan mein jo KHwahan-e-nala tha

dil ishq-e-ḳhush-qadāñ meñ jo ḳhvāhān-e-nāla thā

dīvāna-vār silsila-jumbān-e-nāla thā

naale se mere kyā hai havā.ī ko ham-sarī

tīr-e-shahāb raat ko qurbān-e-nāla thā

DhūñDūñ na kyūñki dil ko maiñ ai āhuvān-e-dasht

siine meñ vo to sher-e-niyastān-e-nāla thā

kartā thā jin dinoñ ye falak ham se sar-kashī

nāvak-zanī kā aah se paimān-e-nāla thā

ishq-e-butāñ thā dil se jo dam-sāz misl-e-nai

har dam asar meñ tāba-e-farmān-e-nāla thā

sayyād ke jigar meñ kare thā sināñ kā kaam

murġh-e-qafas ke sar pe ye ehsān-e-nāla thā

gaaḌe falak pe kyā ye dil-e-nā-tavāñ alam

vo din ga.e jo auj-e-farāvān-e-nāla thā

kal shab ko zikr thā jo kisī neza-bāz kā

āshiq kā tere charḳh sanā-ḳhvān-e-nāla thā

yāroñ ke qāfile kī mujhe jab ki yaad thī

siine meñ juuñ jaras mire sāmān-e-nāla thā

mat pūchh vārdāt-e-shab-e-hijr ai 'nasīr'

maiñ kyā kahūñ jo kār-e-numāyān-e-nāla thā

lene ko aḳhtrān-e-falak se ḳhirāj-o-bāj

har aan sho.ala-o-sharar-afshān-e-nāla thā

dil ishq-e-KHush-qadan mein jo KHwahan-e-nala tha

diwana-war silsila-jumban-e-nala tha

nale se mere kya hai hawai ko ham-sari

tir-e-shahab raat ko qurban-e-nala tha

DhunDun na kyunki dil ko main ai aahuwan-e-dasht

sine mein wo to sher-e-niyastan-e-nala tha

karta tha jin dinon ye falak hum se sar-kashi

nawak-zani ka aah se paiman-e-nala tha

ishq-e-butan tha dil se jo dam-saz misl-e-nai

har dam asar mein taba-e-farman-e-nala tha

sayyaad ke jigar mein kare tha sinan ka kaam

murgh-e-qafas ke sar pe ye ehsan-e-nala tha

gaDe falak pe kya ye dil-e-na-tawan alam

wo din gae jo auj-e-farawan-e-nala tha

kal shab ko zikr tha jo kisi neza-baz ka

aashiq ka tere charKH sana-KHwan-e-nala tha

yaron ke qafile ki mujhe jab ki yaad thi

sine mein jun jaras mere saman-e-nala tha

mat puchh wardat-e-shab-e-hijr ai 'nasir'

main kya kahun jo kar-e-numayan-e-nala tha

lene ko aKHtran-e-falak se KHiraj-o-baj

har aan shoala-o-sharar-afshan-e-nala tha