dil jo ek jae thi duniya hui aabaad us mein

dil jo ik jaa.e thī duniyā huī ābād us meñ

pahle sunte haiñ ki rahtī thī koī yaad us meñ

vo jo thā apnā gumān aaj bahut yaad aayā

thī ajab rāhat-e-āzādī-e-ījād us meñ

ek hī to vo muhim thī jise sar karnā thā

mujhe hāsil na kisī kī huī imdād us meñ

ek ḳhushbū meñ rahī mujh ko talāsh-e-ḳhad-o-ḳhāl

rañg fasleñ mirī yaaro huiiñ barbād us meñ

bāġh-e-jāñ se tū kabhī raat ga.e guzrā hai

kahte haiñ raat meñ kheleñ haiñ parī-zād us meñ

dil-mohalle meñ ajab ek qafas thā yaaro

said ko chhoḌ ke rahne lagā sayyād us meñ

dil jo ek jae thi duniya hui aabaad us mein

pahle sunte hain ki rahti thi koi yaad us mein

wo jo tha apna guman aaj bahut yaad aaya

thi ajab rahat-e-azadi-e-ijad us mein

ek hi to wo muhim thi jise sar karna tha

mujhe hasil na kisi ki hui imdad us mein

ek KHushbu mein rahi mujh ko talash-e-KHad-o-KHal

rang faslen meri yaro huin barbaad us mein

bagh-e-jaan se tu kabhi raat gae guzra hai

kahte hain raat mein khelen hain pari-zad us mein

dil-mohalle mein ajab ek qafas tha yaro

said ko chhoD ke rahne laga sayyaad us mein