dil ka dayar-e-KHwab mein dur talak guzar raha

dil kā dayār-e-ḳhvāb meñ duur talak guzar rahā

paañv nahīñ the darmiyāñ aaj baḌā safar rahā

ho na sakā hameñ kabhī apnā ḳhayāl tak nasīb

naqsh kisī ḳhayāl kā lauh-e-ḳhayāl par rahā

naqsh-garoñ se chāhiye naqsh o nigār kā hisāb

rañg kī baat mat karo rañg bahut bikhar rahā

jaane gumāñ kī vo galī aisī jagah hai kaun sī

dekh rahe ho tum ki maiñ phir vahīñ jā ke mar rahā

dil mire dil mujhe bhī tum apne ḳhavās meñ rakho

yārāñ tumhāre baab meñ maiñ hī na mo'tabar rahā

shahr-e-firāq-e-yār se aa.ī hai ik ḳhabar mujhe

kūcha-e-yād-e-yār se koī nahīñ ubhar rahā

dil ka dayar-e-KHwab mein dur talak guzar raha

panw nahin the darmiyan aaj baDa safar raha

ho na saka hamein kabhi apna KHayal tak nasib

naqsh kisi KHayal ka lauh-e-KHayal par raha

naqsh-garon se chahiye naqsh o nigar ka hisab

rang ki baat mat karo rang bahut bikhar raha

jaane guman ki wo gali aisi jagah hai kaun si

dekh rahe ho tum ki main phir wahin ja ke mar raha

dil mere dil mujhe bhi tum apne KHawas mein rakho

yaran tumhaare bab mein main hi na mo'tabar raha

shahr-e-firaq-e-yar se aai hai ek KHabar mujhe

kucha-e-yaad-e-yar se koi nahin ubhar raha