dil ka har ek zaKHm gahra hai
dil kā har ek zaḳhm gahrā hai
is se har vaqt ḳhuun ristā hai
dam liyā ham ne ġham ke saa.e meñ
varna har samt ḳhushk sahrā hai
us ko kis tarah maiñ bhulā detā
jis kā har dam ḳhayāl aatā hai
bujh gayā jab se apne dil kā charāġh
chāñdnī kā bhī rañg phīkā hai
ik sahārā milā hai ġham kā hameñ
varna duniyā meñ kaun kis kā hai
yuuñ to kaunain mere sāmne haiñ
kaun merī nazar meñ tujh sā hai
ye batā.e koī 'karāmat' se
muḳhtalif sab se us kā lahja hai
dil ka har ek zaKHm gahra hai
is se har waqt KHun rista hai
dam liya hum ne gham ke sae mein
warna har samt KHushk sahra hai
us ko kis tarah main bhula deta
jis ka har dam KHayal aata hai
bujh gaya jab se apne dil ka charagh
chandni ka bhi rang phika hai
ek sahaara mila hai gham ka hamein
warna duniya mein kaun kis ka hai
yun to kaunain mere samne hain
kaun meri nazar mein tujh sa hai
ye batae koi 'karamat' se
muKHtalif sab se us ka lahja hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
