dil ka kab eatibar tha mujhko

dil kā kab e.atibār thā mujh ko

baaġh ye regzār thā mujh ko

jab ajab sā qarār thā us pal

jaane kyoñ iztirār thā mujh ko

sochnā tujh ko ġham-zada rah kar

kis qadar ġham-gusār thā mujh ko

tez bārish se un charāġhoñ kā

bhīgnā sāzgār thā mujh ko

zulf sar kī to ik safar darpesh

sāmne pechdār thā mujh ko

niiñd meñ Dagmagā rahā thā raat

raat aisā ḳhumār thā mujh ko

hālat-e-jazb meñ to terā hijāb

aag thā aur sharār thā mujh ko

bikhrī bikhrī thakan ke baad kā ḳhvāb

haa.e kyā shāndār thā mujh ko

dil ka kab eatibar tha mujh ko

bagh ye regzar tha mujh ko

jab ajab sa qarar tha us pal

jaane kyon iztirar tha mujh ko

sochna tujh ko gham-zada rah kar

kis qadar gham-gusar tha mujh ko

tez barish se un charaghon ka

bhigna sazgar tha mujh ko

zulf sar ki to ek safar darpesh

samne pechdar tha mujh ko

nind mein Dagmaga raha tha raat

raat aisa KHumar tha mujh ko

haalat-e-jazb mein to tera hijab

aag tha aur sharar tha mujh ko

bikhri bikhri thakan ke baad ka KHwab

hae kya shandar tha mujh ko