دل کا صحرا قطرہ قطرہ پیاسا تھا

دل کا صحرا قطرہ قطرہ پیاسا تھا

میرے اس کے بیچ میں دریا بہتا تھا

اس کی زلفیں آوارہ رت ساون کی

اس کا چہرہ چیت چاند کا چہرہ تھا

کتنے ہجر کے موسم آئے بیت گئے

میں کہ تیری یاد میں کھویا رہتا تھا

رات گئے جب چاند ہمارے گھر اترا

دیواروں پہ اس کی یاد کا سایہ تھا

آخر شہر کے ہنگاموں میں ڈوب گیا

سورج تیرے ہجر کا تیرے جیسا تھا

من بستی میں میلہ اجڑے چہروں کا

اس میلے میں ہر چہرہ ہی میرا تھا

کون رضیؔ ان زرد ہواؤں سے پوچھے

سبز رتوں میں میرا ساتھی کیسا تھا