dil ke har juzw mein judai hai

dil ke har juzv meñ judā.ī hai

kyā balā vasl kī samā.ī hai

nā-rasā.ī sar-e-rasā.ī hai

zo.af kī tāqat āzmā.ī hai

jām-o-mīnā pe nuur barse hai

kyā ghaTā mai-kade pe chhā.ī hai

yuuñ to vo ālam-āshnā hai magar

ik mujhī se zarā laḌā.ī hai

tū milā ġhair se ki ḳhaak meñ ham

āqibat har tarah safā.ī hai

tum judā ġhair se hue the kab

vājibī ta.an-e-bevafā.ī hai

ai 'qalaq' ham se to milā kar yaar

ḳhālis ulfat meñ kyā burā.ī hai

dil ke har juzw mein judai hai

kya bala wasl ki samai hai

na-rasai sar-e-rasai hai

zoaf ki taqat aazmai hai

jam-o-mina pe nur barse hai

kya ghaTa mai-kade pe chhai hai

yun to wo aalam-ashna hai magar

ek mujhi se zara laDai hai

tu mila ghair se ki KHak mein hum

aaqibat har tarah safai hai

tum juda ghair se hue the kab

wajibi tan-e-bewafai hai

ai 'qalaq' hum se to mila kar yar

KHalis ulfat mein kya burai hai