dil ke sab dagh khile hain gul-e-KHandan ho kar

dil ke sab daaġh khile haiñ gul-e-ḳhandāñ ho kar

rañg laayā hai ye ġhuncha chamanistāñ ho kar

dāman-e-tar hai ki daftar hai ye rusvā.ī kā

merī āñkhoñ ne Duboyā mujhe giryāñ ho kar

niiñd aa.ī jo kabhī zulf ke dīvāne ko

chauñk uThā ḳhvāb-e-pareshāñ se pareshāñ ho kar

nigah-e-shauq to dar-parda ḳhabar letī hai

aap jā.eñge kahāñ aañkh se pinhāñ ho kar

jalva-gar ā.ina-ḳhāne meñ huā kaun hasīñ

naqsh-e-dīvār haiñ sab aa.ine hairāñ ho kar

dil meñ aa.e haiñ to ab dil se nikalte hī nahīñ

ghar pe qabza kiye baiThe haiñ vo mehmāñ ho kar

shuhra-e-husn abhī kyā hai shabāb aane do

naam chamkegā tumhārā mah-e-tābāñ ho kar

qatl ke ba.ad vafā merī jo yaad aa.ī hai

sar jhukā.e hue baiThe haiñ pashemāñ ho kar

mast āñkhoñ pe bikhar jaatī hai jab zulf 'jalīl'

maiñ samajhtā huuñ ghaTā chhā.ī hai mai-ḳhānoñ par

dil ke sab dagh khile hain gul-e-KHandan ho kar

rang laya hai ye ghuncha chamanistan ho kar

daman-e-tar hai ki daftar hai ye ruswai ka

meri aankhon ne Duboya mujhe giryan ho kar

nind aai jo kabhi zulf ke diwane ko

chaunk uTha KHwab-e-pareshan se pareshan ho kar

nigah-e-shauq to dar-parda KHabar leti hai

aap jaenge kahan aankh se pinhan ho kar

jalwa-gar aaina-KHane mein hua kaun hasin

naqsh-e-diwar hain sab aaine hairan ho kar

dil mein aae hain to ab dil se nikalte hi nahin

ghar pe qabza kiye baiThe hain wo mehman ho kar

shuhra-e-husn abhi kya hai shabab aane do

nam chamkega tumhaara mah-e-taban ho kar

qatl ke baad wafa meri jo yaad aai hai

sar jhukae hue baiThe hain pasheman ho kar

mast aankhon pe bikhar jati hai jab zulf 'jalil'

main samajhta hun ghaTa chhai hai mai-KHanon par