dil ke tatar mein yaadon ke ab aahu bhi nahin
dil ke tātār meñ yādoñ ke ab aahū bhī nahīñ
ā.īna māñge jo ham se vo parī-rū bhī nahīñ
dasht-e-tanhā.ī meñ āvāz ke ghuñgrū bhī nahīñ
aur aisā bhī ki sannāTe kā jaadū bhī nahīñ
zindagī jin kī rifāqat pe bahut nāzāñ thī
un se bichhḌī to koī aañkh meñ aañsū bhī nahīñ
chāhte haiñ rah-e-mai-ḳhāna na qadmoñ ko mile
lekin is shoḳhi-e-raftār pe qaabū bhī nahīñ
talḳhiyāñ niim ke pattoñ kī milī haiñ har sū
ye mirā shahr kisī phuul kī ḳhushbū bhī nahīñ
jaane kyā soch ke ham ruk ga.e vīrānoñ meñ
partav-e-ruḳh bhī nahīñ sāya-e-gesū bhī nahīñ
husn-e-imroz ko tashbīhoñ meñ tauleñ kaise
ab vo pahle se ḳham-e-kākul-o-abrū bhī nahīñ
ham ne paa.ī hai un ash.ār pe bhī daad 'zubair'
jin meñ us shoḳh kī tārīf ke pahlū bhī nahīñ
dil ke tatar mein yaadon ke ab aahu bhi nahin
aaina mange jo hum se wo pari-ru bhi nahin
dasht-e-tanhai mein aawaz ke ghungru bhi nahin
aur aisa bhi ki sannaTe ka jadu bhi nahin
zindagi jin ki rifaqat pe bahut nazan thi
un se bichhDi to koi aankh mein aansu bhi nahin
chahte hain rah-e-mai-KHana na qadmon ko mile
lekin is shoKHi-e-raftar pe qabu bhi nahin
talKHiyan nim ke patton ki mili hain har su
ye mera shahr kisi phul ki KHushbu bhi nahin
jaane kya soch ke hum ruk gae viranon mein
partaw-e-ruKH bhi nahin saya-e-gesu bhi nahin
husn-e-imroz ko tashbihon mein taulen kaise
ab wo pahle se KHam-e-kakul-o-abru bhi nahin
hum ne pai hai un ashaar pe bhi dad 'zubair'
jin mein us shoKH ki tarif ke pahlu bhi nahin
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
