دل کی کشتی تیرے حوالے

دل کی کشتی تیرے حوالے

تیرے سوا اب کون سنبھالے

پیار میں پڑ گئے جان کے لالے

آنکھ میں آنسو پاؤں میں چھالے

کون ہے تیرے دکھ کا ساتھی

اپنی دنیا آپ بسا لے

خوں ہوتی ہے جس کی تمنا

ایسے بھی ہیں جینے والے

دنیاں جنت دنیاں دوزح

جیسے چاہے ویسا بنا لے

رات اور دن میں کیا کیا دیکھا

دل میں اندھیرے دل میں اجالے

اس دنیا کا حاصل یہ ہے

پیار کسی کا دل میں بسا لے

پیار کا یہ دستور نہیں ہے

چپکے چپکے رونے والے

خود ہی اپنے پونچھ لے آنسو

کون حبیبؔ ہے آنے والے