dil ki lagi ke sath ajab dil-lagi rahi

dil kī lagī ke saath ajab dil-lagī rahī

zālim se dostī meñ bhī aksar Thanī rahī

vo duur ho ga.e to ye uljhan banī rahī

shāyad mire ḳhulūs meñ koī kamī rahī

mahfil meñ un kī pās-e-adab bhī zarūr thā

ḳhāmosh thī zabān nazar boltī rahī

ausāf ājizī ke takabbur ne khā liye

kirdār-e-nasl-e-nau meñ kahāñ ājizī rahī

detā rahā jahāñ ko har ik saañs kā hisāb

kaisī azāb-e-jāñ ye mirī zindagī rahī

gum-karda rāh-e-shauq rahā maiñ tamām umr

manzil agarche raah mirī dekhtī rahī

'qaisar' uTho ki aag lagī hai makān meñ

jal jāoge jo tum meñ yūñhī be-hisī rahī

dil ki lagi ke sath ajab dil-lagi rahi

zalim se dosti mein bhi aksar Thani rahi

wo dur ho gae to ye uljhan bani rahi

shayad mere KHulus mein koi kami rahi

mahfil mein un ki pas-e-adab bhi zarur tha

KHamosh thi zaban nazar bolti rahi

ausaf aajizi ke takabbur ne kha liye

kirdar-e-nasl-e-nau mein kahan aajizi rahi

deta raha jahan ko har ek sans ka hisab

kaisi azab-e-jaan ye meri zindagi rahi

gum-karda rah-e-shauq raha main tamam umr

manzil agarche rah meri dekhti rahi

'qaisar' uTho ki aag lagi hai makan mein

jal jaoge jo tum mein yunhi be-hisi rahi