dil ki rah jae na dil mein ye kahani kah lo

dil kī rah jaa.e na dil meñ ye kahānī kah lo

chāhe do harf likho chāhe zabānī kah lo

maiñ ne marne kī duā māñgī vo puurī na huī

bas isī ko mire jiine kī nishānī kah lo

sarsar-e-vaqt uḌā le ga.ī rūdād-e-hayāt

vahī aurāq jinheñ ahd-e-javānī kah lo

jab nahīñ shāḳh-e-chaman par to mirā naam hī kyā

barg āvāra kaho barg-e-ḳhizānī kah lo

tum se kahne kī na thī baat magar kah baiThā

ab use merī tabī.at kī ravānī kah lo

vahī ik qissa zamāne ko mirā yaad rahā

vahī ik baat jise aaj purānī kah lo

ham pe jo guzrī hai bas us ko raqam karte haiñ

āp-bītī kaho yā marsiya-ḳhvānī kah lo

dil ki rah jae na dil mein ye kahani kah lo

chahe do harf likho chahe zabani kah lo

main ne marne ki dua mangi wo puri na hui

bas isi ko mere jine ki nishani kah lo

sarsar-e-waqt uDa le gai rudad-e-hayat

wahi auraq jinhen ahd-e-jawani kah lo

jab nahin shaKH-e-chaman par to mera nam hi kya

barg aawara kaho barg-e-KHizani kah lo

tum se kahne ki na thi baat magar kah baiTha

ab use meri tabiat ki rawani kah lo

wahi ek qissa zamane ko mera yaad raha

wahi ek baat jise aaj purani kah lo

hum pe jo guzri hai bas us ko raqam karte hain

aap-biti kaho ya marsiya-KHwani kah lo