dil kis ki tegh-e-naz se lazzat-chashida hai

dil kis kī teġh-e-nāz se lazzat-chashīda hai

har zaḳhm shauq se lab-e-hasrat-gazīda hai

is garm-e-iztirāb se dil jal gayā ḳhudā

pahlū meñ mere dil hai ki barq-e-tapīda hai

chūsā dahān-e-zaḳhm ne us ko hai is tarah

paikān-e-tīr-e-yār zabān-e-makīda hai

nāseh junūñ kī baḳhiya-garī kī havas nahīñ

har tār-e-jaib ab to garebāñ-darīda hai

ġhuncha kī tarah ḳhaak rakheñ zar ko bāñdh kar

juuñ bole kal yahāñ se to jaanā jarīda hai

kuchh aaj zalzala sā zamīñ ko hai gor meñ

'taskīn'-e-be-qarār magar ārmīda hai

dil kis ki tegh-e-naz se lazzat-chashida hai

har zaKHm shauq se lab-e-hasrat-gazida hai

is garm-e-iztirab se dil jal gaya KHuda

pahlu mein mere dil hai ki barq-e-tapida hai

chusa dahan-e-zaKHm ne us ko hai is tarah

paikan-e-tir-e-yar zaban-e-makida hai

naseh junun ki baKHiya-gari ki hawas nahin

har tar-e-jaib ab to gareban-darida hai

ghuncha ki tarah KHak rakhen zar ko bandh kar

jun bole kal yahan se to jaana jarida hai

kuchh aaj zalzala sa zamin ko hai gor mein

'taskin'-e-be-qarar magar aarmida hai