dil ko duniya se uThaenge chale jaenge

dil ko duniyā se uThā.eñge chale jā.eñge

ḳhaak hastī kī uḌā.eñge chale jā.eñge

ye parinde jo muñDeroñ pe khulī dhuup meñ haiñ

bāl-o-par apne sukhā.eñge chale jā.eñge

ik nazar dekh jab ā.īna banāyā hai hameñ

ham tire hosh uḌā.eñge chale jā.eñge

jo kisī ko bhī samajh meñ nahīñ ā.eñge vahī

zindagī kyā hai batā.eñge chale jā.eñge

ham to bas un kī añgīThī kā bachā īñdhan haiñ

dil vo phir aa ke jalā.eñge chale jā.eñge

merā ḳhāliq bhī to dekhe vo hai kaisā ḳhāliq

aa.ina us ko dikhā.eñge chale jā.eñge

ai ḳhudā kyā tirī duniyā ko banā kar dozaḳh

apnī jannat vo kamā.enge chale jā.eñge

hasrat-e-dād bhī ab dil meñ nahīñ hai 'pinhāñ'

muft meñ sher sunā.eñge chale jā.eñge

dil ko duniya se uThaenge chale jaenge

KHak hasti ki uDaenge chale jaenge

ye parinde jo munDeron pe khuli dhup mein hain

baal-o-par apne sukhaenge chale jaenge

ek nazar dekh jab aaina banaya hai hamein

hum tere hosh uDaenge chale jaenge

jo kisi ko bhi samajh mein nahin aaenge wahi

zindagi kya hai bataenge chale jaenge

hum to bas un ki angiThi ka bacha indhan hain

dil wo phir aa ke jalaenge chale jaenge

mera KHaliq bhi to dekhe wo hai kaisa KHaliq

aaina us ko dikhaenge chale jaenge

ai KHuda kya teri duniya ko bana kar dozaKH

apni jannat wo kamaenge chale jaenge

hasrat-e-dad bhi ab dil mein nahin hai 'pinhan'

muft mein sher sunaenge chale jaenge