دل کو کبھی کبھی جانے کیا ہونے لگتا ہے

دل کو کبھی کبھی جانے کیا ہونے لگتا ہے

جیسے کوئی اکیلے گھر میں رونے لگتا ہے

پہلے تیری یاد میں کوئی آنسو گرتا ہے

دور کہیں پھر کوئی سپنے بونے لگتا ہے

ان آنکھوں سے جب بھی باتیں کرنا چاہوں میں

عکس کہیں آئینے میں گم ہونے لگتا ہے

بچھڑ گئے اک بار بہت سے لوگ نہ جانے کیوں

ٹوٹ گئے اک ساتھ بہت سے کھلونے لگتا ہے

ہم سے لگ نہ سکی تیری تصویر کی بھی قیمت

لوٹ لیا بازار کو یاں لوگوں نے لگتا ہے

تیرے دھیان کا ضدی بالک مجھ کو سوتا دیکھ

گھنگھرو جیسی آوازوں میں رونے لگتا ہے