dil ko us ka KHayal paiham hai

dil ko us kā ḳhayāl paiham hai

vaqt ko ye malāl paiham hai

ḳhvāhishoñ kā tirī huzūrī meñ

vahī dast-e-savāl paiham hai

us kī qurbat kī aag hai dil meñ

āsmāñ par malāl paiham hai

kārobār-e-jahāñ meñ yaad us kī

jaise koī kamāl paiham hai

zaḳhm bharte nahīñ haiñ yādoñ ke

lazzat-e-indimāl paiham hai

vo nahīñ hai to vaqt kuchh bhī nahīñ

vahī bas ek haal paiham hai

aarzū bhī nahīñ rakhī us kī

ishq ko ye malāl paiham hai

kaun hai āshnā haqīqat kā

zehn meñ ik ḳhayāl paiham hai

ab musāfir safar se Darte haiñ

manziloñ ko zavāl paiham hai

mustaqil kuchh nahīñ hai duniyā meñ

ārzū-e-visāl paiham hai

zindagī meñ hamārī kyā hai faqat

karam-e-zul-jalāl paiham hai

zikr us kā hai is tarah 'ādil'

jaise apnī misāl paiham hai

dil ko us ka KHayal paiham hai

waqt ko ye malal paiham hai

KHwahishon ka teri huzuri mein

wahi dast-e-sawal paiham hai

us ki qurbat ki aag hai dil mein

aasman par malal paiham hai

karobar-e-jahan mein yaad us ki

jaise koi kamal paiham hai

zaKHm bharte nahin hain yaadon ke

lazzat-e-indimal paiham hai

wo nahin hai to waqt kuchh bhi nahin

wahi bas ek haal paiham hai

aarzu bhi nahin rakhi us ki

ishq ko ye malal paiham hai

kaun hai aashna haqiqat ka

zehn mein ek KHayal paiham hai

ab musafir safar se Darte hain

manzilon ko zawal paiham hai

mustaqil kuchh nahin hai duniya mein

aarzu-e-visal paiham hai

zindagi mein hamari kya hai faqat

karam-e-zul-jalal paiham hai

zikr us ka hai is tarah 'adil'

jaise apni misal paiham hai