dil laga kar lag gaya un ko bhi tanha baiThna

dil lagā kar lag gayā un ko bhī tanhā baiThnā

baare apnī bekasī kī ham ne paa.ī daad yaañ

haiñ zavāl-āmāda ajzā āfrīnash ke tamām

mahr-e-gardūñ hai charāġh-e-rahguzār-e-bād yaañ

hai tarahhum-āfrīñ ārā.ish-e-be-dād yaañ

ashk-e-chashm-e-dām hai har dāna-e-sayyād yaañ

hai gudāz-e-mom andāz-e-chakīdan-hā-e-ḳhūñ

nīsh-e-zambūr-e-asal hai nashtar-e-fassād yaañ

nā-gavārā hai hameñ ehsān-e-sāhab-daulatāñ

hai zar-e-gul bhī nazar meñ jauhar-e-faulād yaañ

jumbish-e-dil se hue haiñ uqda-hā-e-kār vā

kam-tarīñ mazdūr-e-sañgīñ-dast hai farhād yaañ

qatra-hā-e-ḳhūn-e-bismil zeb-e-dāmāñ haiñ 'asad'

hai tamāsha kardanī gul-chīnī-e-jallād yaañ

dil laga kar lag gaya un ko bhi tanha baiThna

bare apni bekasi ki hum ne pai dad yan

hain zawal-amada ajza aafrinash ke tamam

mahr-e-gardun hai charagh-e-rahguzar-e-baad yan

hai tarahhum-afrin aaraish-e-be-dad yan

ashk-e-chashm-e-dam hai har dana-e-sayyaad yan

hai gudaz-e-mom andaz-e-chakidan-ha-e-KHun

nish-e-zambur-e-asal hai nashtar-e-fassad yan

na-gawara hai hamein ehsan-e-sahab-daulatan

hai zar-e-gul bhi nazar mein jauhar-e-faulad yan

jumbish-e-dil se hue hain uqda-ha-e-kar wa

kam-tarin mazdur-e-sangin-dast hai farhad yan

qatra-ha-e-KHun-e-bismil zeb-e-daman hain 'asad'

hai tamasha kardani gul-chini-e-jallad yan