dil laga lete hain ahl-e-dil watan koi bhi ho
dil lagā lete haiñ ahl-e-dil vatan koī bhī ho
phuul ko khilne se matlab hai chaman koī bhī ho
sūrat-e-hālāt hī par baat karnī hai agar
phir muḳhātab ho koī bhī anjuman koī bhī ho
hai vahī lā-hāsilī dast-e-hunar kī muntazir
āḳhirash sar phoḌtā hai kohkan koī bhī ho
shā.erī meñ aaj bhī miltā hai 'nāsir' kā nishāñ
DhūñDte haiñ ham use bazm-e-suḳhan koī bhī ho
ādateñ aur hājateñ 'bāsir' badaltī haiñ kahāñ
raqs bin rahtā nahīñ tā.ūs ban koī bhī ho
dil laga lete hain ahl-e-dil watan koi bhi ho
phul ko khilne se matlab hai chaman koi bhi ho
surat-e-haalat hi par baat karni hai agar
phir muKHatab ho koi bhi anjuman koi bhi ho
hai wahi la-hasili dast-e-hunar ki muntazir
aaKHirash sar phoDta hai kohkan koi bhi ho
shaeri mein aaj bhi milta hai 'nasir' ka nishan
DhunDte hain hum use bazm-e-suKHan koi bhi ho
aadaten aur hajaten 'basir' badalti hain kahan
raqs bin rahta nahin taus ban koi bhi ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
