dil liya jis ne bewafai ki

dil liyā jis ne bevafā.ī kī

rasm hai kyā ye dilrubā.ī kī

tazkira sulah-e-ġhair kā na karo

baat achchhī nahīñ laḌā.ī kī

tum ko andesha-e-giraftārī

yaañ tavaqqo nahīñ rihā.ī kī

vasl meñ kis tarah huuñ shādi-e-marg

mujh ko tāqat nahīñ judā.ī kī

dil na dene kā ham ko daavā hai

kis ko hai laaf dilrubā.ī kī

ek din tere ghar meñ aanā hai

baḳht o taal.e ne gar rasā.ī kī

dil lagāyā to nāsehoñ ko kyā

baat jo apne jī meñ aa.ī kī

'sheftā' vo ki jis ne saarī umr

dīn-dārī o pārsā.ī kī

āḳhir-e-kār mai-parast huā

shaan hai us kī kibriyā.ī kī

dil liya jis ne bewafai ki

rasm hai kya ye dilrubai ki

tazkira sulah-e-ghair ka na karo

baat achchhi nahin laDai ki

tum ko andesha-e-giraftari

yan tawaqqo nahin rihai ki

wasl mein kis tarah hun shadi-e-marg

mujh ko taqat nahin judai ki

dil na dene ka hum ko dawa hai

kis ko hai laf dilrubai ki

ek din tere ghar mein aana hai

baKHt o tale ne gar rasai ki

dil lagaya to nasehon ko kya

baat jo apne ji mein aai ki

'shefta' wo ki jis ne sari umr

din-dari o parsai ki

aaKHir-e-kar mai-parast hua

shan hai us ki kibriyai ki