dil mein apne nahin koi juz-yar

dil meñ apne nahīñ koī juz-yār

laisa-fiddār-e-ġhairahū dayyār

kufr o diiñ se nahīñ kuchh aap ko bahs

sar-e-tasbīh o gardan-e-zunnār

dāġh-e-ashk āstīñ se uḌte haiñ

muft jaatī hai haath se ye bahār

ham vo āfat-e-talab haiñ hai jin ko

zaḳhm-e-shamshīr marham-e-zañgār

yaad meñ kis kī raat royā huuñ

ġharq-e-ḳhūñ hai hanūz jeb-o-kanār

aah kyā kiije zulf o ruḳh us kā

chit chaḌhā hī rahe hai lail o nahār

nāsehā tark kiije kis kis kā

jīte-jī ko to sab kuchh hai darkār

ishq-bāzī ko kyā karegā tū

go ki chhoḌā maiñ ik sharāb o qimār

ham ne dekhā hai dāġh-e-dil 'qā.em'

vaqinā rabbanā azābannār

dil mein apne nahin koi juz-yar

laisa-fiddar-e-ghairahu dayyar

kufr o din se nahin kuchh aap ko bahs

sar-e-tasbih o gardan-e-zunnar

dagh-e-ashk aastin se uDte hain

muft jati hai hath se ye bahaar

hum wo aafat-e-talab hain hai jin ko

zaKHm-e-shamshir marham-e-zangar

yaad mein kis ki raat roya hun

gharq-e-KHun hai hanuz jeb-o-kanar

aah kya kije zulf o ruKH us ka

chit chaDha hi rahe hai lail o nahaar

naseha tark kije kis kis ka

jite-ji ko to sab kuchh hai darkar

ishq-bazi ko kya karega tu

go ki chhoDa main ek sharab o qimar

hum ne dekha hai dagh-e-dil 'qaem'

waqina rabbana azabannar