dil mein dildar nihan tha mujhe malum na tha

dil meñ dildār nihāñ thā mujhe ma.alūm na thā

idhar-udhar meñ davāñ thā mujhe ma.alūm na thā

sar-ba-sar anfus-o-āfāq meñ hai us kā zuhūr

parda us ruḳh kā ayaañ thā mujhe ma.alūm na thā

sahal samjhā thā maiñ hālāñ ki ye ishq-e-zālim

vaqf ḳhūnīñ-jigrāñ kā thā mujhe mālūm na thā

ba.ad muddat dil-e-gumrāh se maiñ ne jo milā

kahā ro ro ke kahāñ thā mujhe ma.alūm na thā

mashrab-e-āshiq-e-be-nām-o-nishāñ maiñ 'āgāh'

lā-makāñ ain makāñ thā mujhe ma.alūm na thā

dil mein dildar nihan tha mujhe malum na tha

idhar-udhar mein dawan tha mujhe malum na tha

sar-ba-sar anfus-o-afaq mein hai us ka zuhur

parda us ruKH ka ayan tha mujhe malum na tha

sahal samjha tha main haalan ki ye ishq-e-zalim

waqf KHunin-jigran ka tha mujhe malum na tha

baad muddat dil-e-gumrah se main ne jo mila

kaha ro ro ke kahan tha mujhe malum na tha

mashrab-e-ashiq-e-be-nam-o-nishan main 'agah'

la-makan ain makan tha mujhe malum na tha