dil mein junun-e-ishq jagane ka waqt hai

dil meñ junūn-e-ishq jagāne kā vaqt hai

ab ain shiin qaaf milāne kā vaqt hai

ahl-e-suḳhan kī shaan baḌhāne kā vaqt hai

ab diip chāhatoñ ke jalāne kā vaqt hai

ab is ke baad khel na khele koī yahāñ

maidān meñ husain ke aane kā vaqt hai

ta.abīr kī sahar ne sadā dī hai phir unheñ

bistar pe so.e ḳhvāb jagāne kā vaqt hai

tum pūchhte ho kis liye maḳhmūr ham hue

mai-kash yahī to pyaas bujhāne kā vaqt hai

ḳhud ko navā-e-soz meñ mat Dhālo shā.iro

iqbāl kī ḳhudī ko baḌhāne kā vaqt hai

ḳhushbū tamām shahr meñ phaile ho āshtī

taḳhlīq meñ vo lafz sajāne kā vaqt hai

dil mein junun-e-ishq jagane ka waqt hai

ab ain shin qaf milane ka waqt hai

ahl-e-suKHan ki shan baDhane ka waqt hai

ab dip chahaton ke jalane ka waqt hai

ab is ke baad khel na khele koi yahan

maidan mein husain ke aane ka waqt hai

tabir ki sahar ne sada di hai phir unhen

bistar pe soe KHwab jagane ka waqt hai

tum puchhte ho kis liye maKHmur hum hue

mai-kash yahi to pyas bujhane ka waqt hai

KHud ko nawa-e-soz mein mat Dhaalo shairo

iqbaal ki KHudi ko baDhane ka waqt hai

KHushbu tamam shahr mein phaile ho aashti

taKHliq mein wo lafz sajaane ka waqt hai