dil mein tumhaare dard ka ab silsila nahin

dil meñ tumhāre dard kā ab silsila nahīñ

tum mil ga.e to koī bhī mujh ko gila nahīñ

daulat thī mere paas to yāroñ kā thā hujūm

ġhurbat meñ koī ab mujhe pahchāntā nahīñ

garmī ne ḳhaak kar diyā har ek āshiyāñ

ma.asūm panchhiyoñ kā koī aasrā nahīñ

saj-dhaj ke kaise nikle hamārī ġhazal janāb

is anjuman meñ haa.e koī aa.ina nahīñ

mumkin hai manziloñ se bhaTak jā.ūñ maiñ 'qamar'

rāh-e-safar meñ merā koī rahnumā nahīñ

dil mein tumhaare dard ka ab silsila nahin

tum mil gae to koi bhi mujh ko gila nahin

daulat thi mere pas to yaron ka tha hujum

ghurbat mein koi ab mujhe pahchanta nahin

garmi ne KHak kar diya har ek aashiyan

masum panchhiyon ka koi aasra nahin

saj-dhaj ke kaise nikle hamari ghazal janab

is anjuman mein hae koi aaina nahin

mumkin hai manzilon se bhaTak jaun main 'qamar'

rah-e-safar mein mera koi rahnuma nahin