dil mein yaad-e-raftagan aabaad hai
dil meñ yād-e-raftagāñ ābād hai
varna ye dil bhī kahāñ ābād hai
ek maiñ ābād huuñ is shahr meñ
aur ik merā makāñ ābād hai
kis ke ye naqsh-e-qadam haiñ ḳhaak par
kaun aise meñ yahāñ ābād hai
bāb-e-umr-e-rā.igāñ kī lauh par
harf-e-ehsās-e-ziyāñ ābād hai
mere hone se na honā hai mirā
aag jalne se dhuāñ ābād hai
raunaq-e-dil kā hai aalam dīdanī
ḳhāna-e-āvārgāñ ābād hai
ik darīcha us galī meñ aaj tak
be-charāġh o be-nishāñ ābād hai
dil mein yaad-e-raftagan aabaad hai
warna ye dil bhi kahan aabaad hai
ek main aabaad hun is shahr mein
aur ek mera makan aabaad hai
kis ke ye naqsh-e-qadam hain KHak par
kaun aise mein yahan aabaad hai
bab-e-umr-e-raigan ki lauh par
harf-e-ehsas-e-ziyan aabaad hai
mere hone se na hona hai mera
aag jalne se dhuan aabaad hai
raunaq-e-dil ka hai aalam didani
KHana-e-awargan aabaad hai
ek daricha us gali mein aaj tak
be-charagh o be-nishan aabaad hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
