dil mera phir dukha diya kin ne

dil mirā phir dukhā diyā kin ne

so gayā thā jagā diyā kin ne

maiñ kahāñ aur ḳhayāl-e-bosa kahāñ

muñh se muñh yuuñ bhiḌā diyā kin ne

vo mire chāhne ko kyā jaane

ye sandesā sunā diyā kin ne

ham bhī kuchh dekhte samajhte the

sab yakāyak chhupā diyā kin ne

vo bulā.e se bhāgtā thā aur

'dard' tujh tak bulā diyā kin ne

dil mera phir dukha diya kin ne

so gaya tha jaga diya kin ne

main kahan aur KHayal-e-bosa kahan

munh se munh yun bhiDa diya kin ne

wo mere chahne ko kya jaane

ye sandesa suna diya kin ne

hum bhi kuchh dekhte samajhte the

sab yakayak chhupa diya kin ne

wo bulae se bhagta tha aur

'dard' tujh tak bula diya kin ne