dil ne ek aah bhari aankh mein aansu aae

dil ne ik aah bharī aañkh meñ aañsū aa.e

yaad ġham ke hameñ kuchh aur bhī pahlū aa.e

zulmat-e-shab meñ hai rū-posh nishān-e-manzil

ab mujhe raah dikhāne koī jugnū aa.e

dil kā har zaḳhm tirī yaad kā ik phuul bane

mere pairāhan-e-jāñ se tirī ḳhushbū aa.e

tishna-kāmoñ kī kahīñ pyaas bujhā kartī hai

dasht ko chhoḌ ke ab kaun lab-e-jū aa.e

ek parchhā.īñ tasavvur kī mire saath rahe

maiñ tujhe bhūlūñ magar yaad mujhe tū aa.e

maiñ yahī aas liye ġham kī kaḌī dhuup meñ huuñ

dil ke sahrā meñ tire pyaar kā aahū aa.e

dil pareshān hai 'gulnār' to māhaul udaas

ab zarūrat hai koī mutrib-e-ḳhush-ḳhū aa.e

dil ne ek aah bhari aankh mein aansu aae

yaad gham ke hamein kuchh aur bhi pahlu aae

zulmat-e-shab mein hai ru-posh nishan-e-manzil

ab mujhe rah dikhane koi jugnu aae

dil ka har zaKHm teri yaad ka ek phul bane

mere pairahan-e-jaan se teri KHushbu aae

tishna-kaamon ki kahin pyas bujha karti hai

dasht ko chhoD ke ab kaun lab-e-ju aae

ek parchhain tasawwur ki mere sath rahe

main tujhe bhulun magar yaad mujhe tu aae

main yahi aas liye gham ki kaDi dhup mein hun

dil ke sahra mein tere pyar ka aahu aae

dil pareshan hai 'gulnar' to mahaul udas

ab zarurat hai koi mutrib-e-KHush-KHu aae