dil ne kiya hai qasd-e-safar ghar sameT lo
dil ne kiyā hai qasd-e-safar ghar sameT lo
jaanā hai is dayār se manzar sameT lo
āzādgī meñ shart bhī hai ehtiyāt kī
parvāz kā hai izn magar par sameT lo
hamla hai chaar sū dar-o-dīvār-e-shahr kā
sab jañgaloñ ko shahr ke andar sameT lo
bikhrā huā huuñ sarsar-e-shām-e-firāq se
ab aa bhī jaao aur mujhe aa kar sameT lo
rakhtā nahīñ hai koī na-gufta kā yaañ hisāb
jo kuchh hai dil meñ us ko laboñ par sameT lo
dil ne kiya hai qasd-e-safar ghar sameT lo
jaana hai is dayar se manzar sameT lo
aazadgi mein shart bhi hai ehtiyat ki
parwaz ka hai izn magar par sameT lo
hamla hai chaar su dar-o-diwar-e-shahr ka
sab jangalon ko shahr ke andar sameT lo
bikhra hua hun sarsar-e-sham-e-firaq se
ab aa bhi jao aur mujhe aa kar sameT lo
rakhta nahin hai koi na-gufta ka yan hisab
jo kuchh hai dil mein us ko labon par sameT lo
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
