dil ne paya jo mere muzhda teri pati ka

dil ne paayā jo mire muzhda tirī paatī kā

muñh phirā sū-e-badan jān-e-ba-lab aatī kā

yuuñ to ai yār-e-dil-afroz tū sab kā hai vale

daaġh jāñ-soz nirāyā hai mirī chhātī kā

dil dam-e-āh-e-sahar-ḳhez chalā jaatā hai

mutribā chup hai tū kyuuñ vaqt hai parbhātī kā

dil-e-afsurda ko hai soz-e-darūñ se kyā rabt

kaam kyā ḳhāna-e-vīrāñ meñ diye-bātī kā

is jahāñ meñ sifat-e-ishq se mausūf haiñ ham

na karo aib hamāre hunar-e-zātī kā

yaar sun sun ke sab ahvāl-e-ḳharāb-e-'hasrat'

bolā kyā kaam hai yaañ aise ḳharābātī kā

dil ne paya jo mere muzhda teri pati ka

munh phira su-e-badan jaan-e-ba-lab aati ka

yun to ai yar-e-dil-afroz tu sab ka hai wale

dagh jaan-soz niraya hai meri chhati ka

dil dam-e-ah-e-sahar-KHez chala jata hai

mutriba chup hai tu kyun waqt hai parbhati ka

dil-e-afsurda ko hai soz-e-darun se kya rabt

kaam kya KHana-e-viran mein diye-baati ka

is jahan mein sifat-e-ishq se mausuf hain hum

na karo aib hamare hunar-e-zati ka

yar sun sun ke sab ahwal-e-KHarab-e-'hasrat'

bola kya kaam hai yan aise KHarabaati ka