dil-o-jaan sadqe hote kabhi dil nisar hota

dil-o-jān sadqe hote kabhī dil nisār hotā

tumheñ ham gale lagāte agar iḳhtiyār hotā

unheñ sochtā maiñ dil se to ġhazal ke phuul khilte

jo zabāñ pe harf aatā gul-e-mushk-bār hotā

mirā mo'atabar garebāñ mirā mohtaram garebāñ

na bahār ghar meñ aatī na ye tār-tār hotā

dar-e-ġhair par huā ḳham gayā e'tibār sar kā

dar-e-yār par jo jhuktā sar-e-iftiḳhār hotā

vo nigāh-e-nāz uThtī to ka.ī ke hosh uḌte

vo nigāh-e-nāz jhuktī to koī nisār hotā

rah-e-'ishq meñ haiñ ne'mat shab-e-ġham kī talḳhiyāñ bhī

jo guzārtā shab-e-ġham baḌā pur-vaqār hotā

dil-o-jaan sadqe hote kabhi dil nisar hota

tumhein hum gale lagate agar iKHtiyar hota

unhen sochta main dil se to ghazal ke phul khilte

jo zaban pe harf aata gul-e-mushk-bar hota

mera mo'atabar gareban mera mohtaram gareban

na bahaar ghar mein aati na ye tar-tar hota

dar-e-ghair par hua KHam gaya e'tibar sar ka

dar-e-yar par jo jhukta sar-e-iftiKHar hota

wo nigah-e-naz uThti to kai ke hosh uDte

wo nigah-e-naz jhukti to koi nisar hota

rah-e-'ishq mein hain ne'mat shab-e-gham ki talKHiyan bhi

jo guzarta shab-e-gham baDa pur-waqar hota