dil o nigah pe tari rahe fusun us ka

dil o nigāh pe taarī rahe fusūñ us kā

tumhārā ho ke bhī mumkin hai maiñ rahūñ us kā

zamīñ kī ḳhaak to kab kī uḌā chuke haiñ ham

hamārī zad meñ hai ab charḳh-e-nīl-gūñ us kā

tujhe ḳhabar nahīñ is baat kī abhī shāyad

ki terā ho to gayā huuñ magar maiñ huuñ us kā

ab us se qat-e-ta.alluq meñ behtarī hai mirī

maiñ apnā rah nahīñ saktā agar rahūñ us kā

dil-e-tabāh kī dhaḌkan batā rahī hai 'razā'

yahīñ kahīñ pe hai vo shahr-e-pur-e-sukūñ us kā

dil o nigah pe tari rahe fusun us ka

tumhaara ho ke bhi mumkin hai main rahun us ka

zamin ki KHak to kab ki uDa chuke hain hum

hamari zad mein hai ab charKH-e-nil-gun us ka

tujhe KHabar nahin is baat ki abhi shayad

ki tera ho to gaya hun magar main hun us ka

ab us se qat-e-talluq mein behtari hai meri

main apna rah nahin sakta agar rahun us ka

dil-e-tabah ki dhaDkan bata rahi hai 'raza'

yahin kahin pe hai wo shahr-e-pur-e-sukun us ka