dil par dhaDkan dhaDkan par wahm utare jate hain

dil par dhaḌkan dhaḌkan par vahm utāre jaate haiñ

ham apne hī ḳhauf ke hāthoñ maare jaate haiñ

dekhūñ to ā.īne kā zañgār sulagtā hai

band karūñ to āñkhoñ ke añgāre jaate haiñ

DhūñD rahe haiñ kab se apne lahje kā tiryāk

lafz hamāre ham par hī phunkāre jaate haiñ

na.e parinde na.ī uḌāneñ na.ī sahar ke giit

bedāroñ par raushan ḳhvāb utāre jaate haiñ

ādarshoñ kī Daar kā pīchhā karte galla-bān

apne ḳhvāboñ kī sarhad par maare jaate haiñ

dād-faroshī kāsa-lesī bār-e-shanāsā.ī

mahfil mahfil kyā kyā qarz utāre jaate haiñ

dil par dhaDkan dhaDkan par wahm utare jate hain

hum apne hi KHauf ke hathon mare jate hain

dekhun to aaine ka zangar sulagta hai

band karun to aankhon ke angare jate hain

DhunD rahe hain kab se apne lahje ka tiryak

lafz hamare hum par hi phunkare jate hain

nae parinde nai uDanen nai sahar ke git

bedaron par raushan KHwab utare jate hain

aadarshon ki Dar ka pichha karte galla-ban

apne KHwabon ki sarhad par mare jate hain

dad-faroshi kasa-lesi bar-e-shanasai

mahfil mahfil kya kya qarz utare jate hain