dil pe thi sabt jo tahrir miTai na gai

dil pe thī sabt jo tahrīr miTā.ī na ga.ī

kis kī tasvīr thī tasvīr bhulā.ī na ga.ī

aa ke us ban meñ mile phir na kabhī do premī

ghaas pagDanDiyoñ se jhiil se kaa.ī na ga.ī

pyaar kī aañch se jal uTThā kañval-kāñt badan

us se sūrat mirī nainoñ meñ chhupā.ī na ga.ī

mujh meñ rach bas ke bhī tū mujh se alag ḳhud se alag

tere jīvan kī amiT-rūp ikaa.ī na ga.ī

TuuTe katboñ ke sivā mil na sakā kuchh bhī magar

is miTe shahr ke Tīloñ kī khudā.ī na ga.ī

raat bhar jal pe girīñ jalte sitāroñ kī laveñ

mujh se chādar koī naddī pe bichā.ī na ga.ī

is ke darshan se milī mujh ko ḳhud apnī pahchān

shakl ik ruuh talak sūrat-e-ā.īna ga.ī

dil pe thi sabt jo tahrir miTai na gai

kis ki taswir thi taswir bhulai na gai

aa ke us ban mein mile phir na kabhi do premi

ghas pagDanDiyon se jhil se kai na gai

pyar ki aanch se jal uTTha kanwal-kant badan

us se surat meri nainon mein chhupai na gai

mujh mein rach bas ke bhi tu mujh se alag KHud se alag

tere jiwan ki amiT-rup ikai na gai

TuTe katbon ke siwa mil na saka kuchh bhi magar

is miTe shahr ke Tilon ki khudai na gai

raat bhar jal pe girin jalte sitaron ki lawen

mujh se chadar koi naddi pe bichai na gai

is ke darshan se mili mujh ko KHud apni pahchan

shakl ek ruh talak surat-e-aina gai