dil pyasa aur aankh sawali rah jati hai
dil pyāsā aur aañkh savālī rah jaatī hai
is ke ba.ad ye bastī ḳhālī rah jaatī hai
be-ḳhvābī kab chhup saktī hai kājal se bhī
jāgne vaalī aañkh meñ laalī rah jaatī hai
tiir tarāzū ho jaatā hai aa kar dil meñ
hāthoñ meñ zaitūn kī Daalī rah jaatī hai
dhuup se rañg aur havā se kāġhaz uḌ jaate haiñ
zehn meñ ik tasvīr ḳhayālī rah jaatī hai
kabhī kabhī to 'az.har' bilkul mar jaatā huuñ
bas ik miTTī oḌhne vaalī rah jaatī hai
dil pyasa aur aankh sawali rah jati hai
is ke baad ye basti KHali rah jati hai
be-KHwabi kab chhup sakti hai kajal se bhi
jagne wali aankh mein lali rah jati hai
tir taraazu ho jata hai aa kar dil mein
hathon mein zaitun ki Dali rah jati hai
dhup se rang aur hawa se kaghaz uD jate hain
zehn mein ek taswir KHayali rah jati hai
kabhi kabhi to 'azhar' bilkul mar jata hun
bas ek miTTi oDhne wali rah jati hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
