dil rawan jis ka ho ek murshid-e-kaamil ki taraf

dil ravāñ jis kā ho ik murshid-e-kāmil kī taraf

kaun rokegā use jaane se manzil kī taraf

chaah kar bhī na agar ġham kā mudāvā ho to phir

maiñ chalī jaatī huuñ īmān-e-mufassal kī taraf

ye mirī maañ kī duā kā hī samar hai jo mujhe

tund lahroñ ne uchhālā bhī to sāhil kī taraf

chāhtā kaun hai rāhoñ meñ bhaTak jaanā magar

rāsta shar kā hī le jaatā hai jāhil kī taraf

zang jab ruuh ke ausāf ko lagtā hai to phir

dhaḌkaneñ dauḌ ke jaatī haiñ navāfil kī taraf

dil mujhe kahtā hai dhak dhak kī zabāñ meñ ye hī

jang kar nafs se tū dekh na bātil kī taraf

'shāz' ho jā.egā tai ziist kā be-nām safar

dekh mat tishna nigāhoñ se tū mahmil kī taraf

dil rawan jis ka ho ek murshid-e-kaamil ki taraf

kaun rokega use jaane se manzil ki taraf

chah kar bhi na agar gham ka mudawa ho to phir

main chali jati hun iman-e-mufassal ki taraf

ye meri man ki dua ka hi samar hai jo mujhe

tund lahron ne uchhaala bhi to sahil ki taraf

chahta kaun hai rahon mein bhaTak jaana magar

rasta shar ka hi le jata hai jahil ki taraf

zang jab ruh ke ausaf ko lagta hai to phir

dhaDkanen dauD ke jati hain nawafil ki taraf

dil mujhe kahta hai dhak dhak ki zaban mein ye hi

jang kar nafs se tu dekh na baatil ki taraf

'shaz' ho jaega tai zist ka be-nam safar

dekh mat tishna nigahon se tu mahmil ki taraf