dil se har-dam hamein aawaz-e-buka aati hai

dil se har-dam hameñ āvāz-e-bukā aatī hai

band kānoñ ko bhī girya kī sadā aatī hai

dil se hai aañkh tak aa.ī asar-e-garmī-e-shauq

ashk hasrat se nigah ābla-pā aatī hai

gul huā koī charāġh-e-saharī o bulbul

haath maltī huī pattoñ se sadā aatī hai

ā.īna saaf sikandar ko dikhāyā tū ne

ḳhuub ai ḳhizr tujhe raah batā aatī hai

chhū liyā dhoke se dāmān-e-sabā tū ne to kyā

ġhuncha-e-gul kahīñ muTThī meñ havā aatī hai

jis qadar vasl-e-butāñ kā tumheñ rahtā hai firāq

ai 'nasīm' utnī kabhī yād-e-ḳhudā aatī hai

dil se har-dam hamein aawaz-e-buka aati hai

band kanon ko bhi girya ki sada aati hai

dil se hai aankh tak aai asar-e-garmi-e-shauq

ashk hasrat se nigah aabla-pa aati hai

gul hua koi charagh-e-sahari o bulbul

hath malti hui patton se sada aati hai

aaina saf sikandar ko dikhaya tu ne

KHub ai KHizr tujhe rah bata aati hai

chhu liya dhoke se daman-e-saba tu ne to kya

ghuncha-e-gul kahin muTThi mein hawa aati hai

jis qadar wasl-e-butan ka tumhein rahta hai firaq

ai 'nasim' utni kabhi yaad-e-KHuda aati hai