dil se josh-e-shabab jata hai

dil se josh-e-shabāb jaatā hai

ziist se iztirāb jaatā hai

ruḳh pe Daale naqāb jaatā hai

abr meñ māhtāb jaatā hai

jaane ko to shabāb jaatā hai

kar ke miTTī ḳharāb jaatā hai

apnā ahd-e-shabāb jaatā hai

sar se saarā azaab jaatā hai

ruḳh-e-raushan pe aa.ī haiñ zulfeñ

saur meñ āftāb jaatā hai

dekheñ girtī haiñ bijliyāñ kis par

ruḳh se sarkā naqāb jaatā hai

fikr-e-ālam se ho ke ab āzād

dil se ḳhāna-ḳharāb jaatā hai

is tarah jā rahā huuñ maiñ 'asġhar'

jaise sarmast-e-ḳhvāb jaatā hai

dil se josh-e-shabab jata hai

zist se iztirab jata hai

ruKH pe Dale naqab jata hai

abr mein mahtab jata hai

jaane ko to shabab jata hai

kar ke miTTi KHarab jata hai

apna ahd-e-shabab jata hai

sar se sara azab jata hai

ruKH-e-raushan pe aai hain zulfen

saur mein aaftab jata hai

dekhen girti hain bijliyan kis par

ruKH se sarka naqab jata hai

fikr-e-alam se ho ke ab aazad

dil se KHana-KHarab jata hai

is tarah ja raha hun main 'asghar'

jaise sarmast-e-KHwab jata hai