dil se kah aahen na har aan bhare

dil se kah aaheñ na har aan bhare

kuchh jigar ho to dam insān bhare

ḳhvāhishoñ ko maiñ karūñ kyā ai sabr

ghar meñ muflis ke haiñ armān bhare

ham to mizhgāñ kī namat ham-chashmoñ

ḳhālī haath aa.e haiñ armān bhare

ashk daanā hai to nazroñ se na gir

dāman is dhabbe se nādān bhare

zabt roke na to dikhlā.ūñ aañkh

pal meñ paanī abhī tūfān bhare

chashm-e-ushshāq ke bar ro mat aa

ai sadaf dur ne tire kaan bhare

gar vo but nām-e-ḳhudā goyā ho

kalima kā dam na musalmān bhare

fauj alfāz kī bhartī hai 'nasīm'

sher par kun se haiñ dīvān bhare

dil se kah aahen na har aan bhare

kuchh jigar ho to dam insan bhare

KHwahishon ko main karun kya ai sabr

ghar mein muflis ke hain arman bhare

hum to mizhgan ki namat ham-chashmon

KHali hath aae hain arman bhare

ashk dana hai to nazron se na gir

daman is dhabbe se nadan bhare

zabt roke na to dikhlaun aankh

pal mein pani abhi tufan bhare

chashm-e-ushshaq ke bar ro mat aa

ai sadaf dur ne tere kan bhare

gar wo but nam-e-KHuda goya ho

kalima ka dam na musalman bhare

fauj alfaz ki bharti hai 'nasim'

sher par kun se hain diwan bhare